ଫୋକସ ପ୍ଲସ ବ୍ୟୁର (ନୂଆଦିଲ୍ଲୀ )ଏସଆଇଆର ପ୍ରକ୍ରିୟାରେ ଅନିୟମିତା ଅଭିଯୋଗ ମାମଲାରେ ବୁଧବାର ସୁପ୍ରିମକୋର୍ଟରେ ଶୁଣାଣି ହେଉଥିଲା । ତେବେ ଆବେଦନକାରୀ ନୁହେଁ ବରଂ ମତ ରଖିଥିଲେ ମମତା ବାନାର୍ଜୀ । ସେ ଇଓିଆଇଙ୍କୁ ତାଛଲ୍ୟ କରିଛନ୍ତି । ସେ ନିର୍ବାଚନ କମିଶନଙ୍କୁ ହ୍ବାଟ୍ସଆପ କମିଶନ କରି ଟାର୍ଗେଟ ମଧ୍ୟ କରିଛନ୍ତି । ଇସିଆଇ ସାଧାରଣ ଅର୍ଡରୁ ହ୍ବାଟ୍ସଆପରେ ଦେଇଥିବାବେଳେ ଏଭଳି କହି ସମାଲୋଚନା ମଧ୍ୟ କରିଛନ୍ତି । ସେପଟେ ଏହି ମାମଲାର ଶୁଣାଣି ଆସନ୍ତା ୯ ତାରିଖରେ ହେବ । ସେତେବେଳେ ମଧ୍ୟ ମମତା ଉପସ୍ଥିତ ରହି
ଏହାସହ ମମତା କହିଥିଲେ କି, ଭୋଟରଙ୍କୁ ଯୋଡ଼ିବା ପାଇଁ ନୁହେଁ ବରଂ ବାଦ ଦେବାକୁ କେବଳ ଏହି ଏସଆଇଆର ପ୍ରକ୍ରିୟା । ଆସାମକୁ ନୁହେଁ କେବଳ ବେଙ୍ଗଲକୁ କାହିଁକି ଟର୍ଗେଟ କରାଯାଉଛି ବୋଲି ସେ କହିଛନ୍ତି । ଲୋକଙ୍କ ଅଧିକାରକୁ ସୁରକ୍ଷା ଦିଅନ୍ତୁ, ଆମେ କୃତଜ୍ଞ ରହିବୁ ବୋଲି କହିଛନ୍ତି ମମତା । ଏପଟେ ନିର୍ବାଚନ କମିଶନଙ୍କୁ ଆସନ୍ତା ସୋମବାର ସୁଦ୍ଧା ଜବାବ ଦାଖଲ କରିବାକୁ ନୋଟିସ୍ ଜାରି କରିଛନ୍ତି ସୁପ୍ରିମକୋର୍ଟ , ସ୍ପେଶାଲ ଇଣ୍ଟେନସିଭ ରିଭିଜନ ବା SIR ପ୍ରକ୍ରିୟାକୁ ବିରୋଧ କରିଆସୁଛନ୍ତି ଦିଦି । ପଶ୍ଚିମବଙ୍ଗରେ SIR ପ୍ରଥମ ପର୍ଯ୍ୟାୟ ପ୍ରକ୍ରିୟା ଗତ ଡିସେମ୍ବର ୨୫ରେ ଆରମ୍ଭ ହୋଇଥିବା ବେଳେ ପ୍ରାୟ ୫୮ ଲକ୍ଷ ଲୋକଙ୍କ ଭୋଟର ଲିଷ୍ଟରୁ ନାଁ କଟାଯାଇଛି । ଏହା ବେଆଇନ ବୋଲି ଅଭିଯୋଗ କରିଛନ୍ତି ମମତା । ମୃତ ବୋଲି ଦର୍ଶାଯାଇ ଭୋଟର ଲିଷ୍ଟରୁ ଯେଉଁମାନଙ୍କ ନାଁ କଟିଛି, ପ୍ରକୃତରେ ସେମାନେ ଜୀବିତ ବୋଲି ଦିଦି ଅଭିଯୋଗ ଉଠାଇଛନ୍ତି ।ଏମିତିକି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଗତ ଶନିବାର ସନ୍ଧ୍ୟାରେ ଭାରତର ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କୁ ଚିଠି ଲେଖି ରାଜ୍ୟରେ ଭୋଟର ତାଲିକାରେ ଚାଲିଥିବା ସ୍ପେଶାଲ ଇନଟେନସିଭ ରିଭିଜନର ଆଭିମୁଖ୍ୟ ଓ ପଦ୍ଧତିକୁ ବିରୋଧ କରିଥିଲେ । ଏହି ପ୍ରକ୍ରିୟା ଲୋକଙ୍କ ପାଇଁ ଅତ୍ୟନ୍ତ ଅସୁବିଧା ସୃଷ୍ଟି କରିଛି ବୋଲି ମମତା ଦର୍ଶାଇଛନ୍ତି । ଏମିତିକି ପୂର୍ବରୁ ଏହାକୁ ନେଇ ମୁଖ୍ୟ ନିର୍ବାଚନ କମିଶନ ଓ ଦିଦିଙ୍କ ମଧ୍ୟରେ କଥା କଟାକଟି ହୋଇଛି । ଏନେଇ ସୁପ୍ରିମକୋର୍ଟରେ ଦ୍ବାରସ୍ଥ ହୋଇଛନ୍ତି ମମତା ବାନାର୍ଜୀ ।
