ଭୁବନେଶ୍ୱରର ନୂଆ ଡିସିପି ଭାବେ କାର୍ଯ୍ୟରେ ଯୋଗଦେଲେ ଡ. ସର୍ବଣା ବିବେକ୍ ଏମ୍ । ୨୦୧୩ ବ୍ୟାଚର ଆଇପିଏସ ଜଗମୋହନ ମୀନାଙ୍କ ଅବସର ପରେ କାର୍ଯ୍ୟଭାର ଗ୍ରହଣ କରିଛନ୍ତି ୨୦୧୫ ବ୍ୟାଚର ଆଇପିଏସ ଡ. ସର୍ବଣା ବିବେକ ଏମ୍ । ପୂର୍ବରୁ ବ୍ରହ୍ମପୁର SP ଭାବେ କାର୍ଯ୍ୟରତ ଥିଲେ । ଟିମ୍ ୱାର୍କରେ କ୍ରାଇମ କଣ୍ଟ୍ରୋଲ, ସାଇବର କ୍ରାଇମ ବିରୋଧରେ ସଚେତନତା ଏବଂ ପାର୍ବଣ ପାଇଁ ଫୁଟ୍, ବାଇକ୍ ଓ PCR ପାଟ୍ରୋଲିଂକୁ ଗୁରୁତ୍ୱ ଦିଆଯିବ ବୋଲି କହିଛନ୍ତି ।
ସୁରେଶ ଦେବ ଦତ୍ତ ସିଂହ ଏବଂ ଅନ୍ୟାନ୍ୟ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ସର୍ବଣା ଭୁବନେଶ୍ୱର DCP ଭାବେ ଦାୟିତ୍ୱ ଗ୍ରହଣ କରିଛନ୍ତି । ଓଡ଼ିଶା ସରକାରଙ୍କ ଗୃହ ବିଭାଗ ପକ୍ଷରୁ ଗତ ସେପ୍ଟେମ୍ବର ୨୨ ତାରିଖରେ ତାଙ୍କର ଏହି ନୂତନ ନିଯୁକ୍ତି ସମ୍ପର୍କିତ ବିଜ୍ଞପ୍ତି ପ୍ରକାଶ ପାଇଥିଲା। ସେ ଜଗମୋହନ ମୀନାଙ୍କ ସ୍ଥାନରେ ଏହି ଦାୟିତ୍ୱ ଗ୍ରହଣ କରିଛନ୍ତି । ପଦଭାର ଗ୍ରହଣ କରିବା ପରେ, ଭୁବନେଶ୍ୱରର ନୂତନ DCP ରାଜ୍ୟ ରାଜଧାନୀ ପାଇଁ ପୋଲିସ୍ କାର୍ଯ୍ୟର ମୁଖ୍ୟ ନୀତିଗୁଡ଼ିକ ଦଳଗତ କାର୍ଯ୍ୟ, ଜନସାଧାରଣଙ୍କ ଅଭିଯୋଗର ସମାଧାନ ଏବଂ ସାଇବର ଅପରାଧ ବିଷୟରେ ସଚେତନତା ସୃଷ୍ଟି ଉପରେ ଆଲୋକପାତ କରିଥିଲେ ।
ଜନସାଧାରଣଙ୍କ ସମସ୍ୟାର ସମାଧାନ ପାଇଁ କ୍ଷେତ୍ରସ୍ତରୀୟ ଅଧିକାରୀଙ୍କ ସହ ସମନ୍ୱୟ ରକ୍ଷା କରି କାର୍ଯ୍ୟ କରିବା ଉପରେ ସେ ଗୁରୁତ୍ୱାରୋପ କରିଥିଲେ। ସହରରେ ସାଇବର ଅପରାଧ ଏକ ବଡ଼ ଆହ୍ୱାନ ହୋଇଥିବାରୁ, ଏହାର ମୁକାବିଲା ପାଇଁ ବ୍ୟାପକ ସଚେତନତା ଅଭିଯାନ ଚଳାଯିବ ବୋଲି ସେ ସୂଚନା ଦେଇଥିଲେ।
