୩୪ ଗୋରୁ ଉଦ୍ଧାର, ଟ୍ରକ୍ ଓ ବାଇକ୍ ସହ ୭ ଗୋ-ଚାଲାଣକାରୀ ଗିରଫ।

ବେଆଇନ ଗୋ-ଚାଲାଣ ବିରୋଧରେ ଅନୁଗୋଳ ପୁଲିସକୁ ମିଳିଛି ଏକ ବଡ଼ ସଫଳତା । ହାଣ୍ଡପା ଥାନା ପୁଲିସ ଗୁପ୍ତ ସୂଚନା ଆଧାରରେ ଉରୁକୁଲ୍ଲା ଜଙ୍ଗଲ ਰਾସ୍ତା ଓ ଛକ ନିକଟରେ ଚଢ଼ାଉ କରି ୩୪ ଗୋଟି ଗୋରୁଙ୍କୁ ଉଦ୍ଧାର କରିବା ସହ ୭ ଜଣ ଅଭିଯୁକ୍ତଙ୍କୁ ଗିରଫ କରିଛି ।
ବୁଧବାର (୦୯.୦୯.୨୦୨୬) ରାତି ପ୍ରାୟ ୧:୨୯ ମିନିଟ୍‌ରେ ପୁଲିସ ଟିମ୍ ନାକା ଚେକିଂ କରୁଥିବା ସମୟରେ ଏକ ସନ୍ଦେହଜନକ ଆଇସର କଣ୍ଟେନର (RJ-29GB-2341) କୁ ଅଟକାଇବାକୁ ଚେଷ୍ଟା କରିଥିଲା । ମାତ୍ର କଣ୍ଟେନର ଡ୍ରାଇଭର ଗାଡ଼ି ନ ଅଟକାଇ ଦ୍ରୁତ ଗତିରେ ପୁଲିସ କର୍ମଚାରୀଙ୍କ ଉପରକୁ ଚଢ଼ାଇ ଦେବାକୁ ଚେଷ୍ଟା କରିଥିଲା । ପୁଲିସ କର୍ମଚାରୀମାନେ ତୁରନ୍ତ ଓହରି ଯିବାରୁ ଏକ ବଡ଼ ଦୁର୍ଘଟଣାରୁ ବର୍ତ୍ତିଯାଇଥିଲେ । ପରେ ପୁଲିସ ପିଛା କରି ଉରୁକୁଲ୍ଲା ଛକ ନିକଟରେ କଣ୍ଟେନରଟିକୁ କାବୁ କରିଥିଲା । ଯାଞ୍ଚ ସମୟରେ କଣ୍ଟେନର ଭିତରୁ ୩୪ ଗୋଟି ଗୋରୁ ବୋଝେଇ ହୋଇଥିବା ଦେଖିବାକୁ ମିଳିଥିଲା । ଗୋରୁଗୁଡ଼ିକର ଶିଂଘ ଓ ଗୋଡ଼କୁ ଦଉଡ଼ିରେ ବାନ୍ଧି ଅତ୍ୟନ୍ତ ଅସୁରକ୍ଷିତ ଓ ନିର୍ଦ୍ଦୟ ଭାବେ ଚାଲାଣ କରାଯାଉଥିଲା । ଚାଲାଣ ସମ୍ବନ୍ଧୀୟ କୌଣସି ବୈଧ କାଗଜପତ୍ର ଗାଡ଼ିରେ ଥିବା ବ୍ୟକ୍ତିମାନେ ଦେଖାଇପାରି ନଥିଲେ । ଗିରଫ ଅଭିଯୁକ୍ତମାନେ: ଅସଗର (୪୭), ଆଗ୍ରା, ଉତ୍ତର ପ୍ରଦେଶ (ଡ୍ରାଇଭର) ସନ୍ତୋଷ ରଣସିଂହ, ଖୋର୍ଦ୍ଧା, ଓଡ଼ିଶା
​ଦିବାକର ମହାନ୍ତି (୨୪), ଖୋର୍ଦ୍ଧା, ଓଡ଼ିଶା
​ପ୍ରତାପ ମଲ୍ଲିକ (୨୬), ଖୋର୍ଦ୍ଧା, ଓଡ଼ିଶା
​ଦୁଖିଆ ବେହେରା (୧୯), ଅନୁଗୋଳ, ଓଡ଼ିଶା
​ଶେଖ୍ ଅନସାରୀ (୨୬), ହାଓଡ଼ା, ପଶ୍ଚିମବଙ୍ଗ
​ସଲମାନ ମୁଲ୍ଲା (୨୭), ହାଓଡ଼ା, ପଶ୍ଚିମବଙ୍ଗ
​ଜବତ ସାମଗ୍ରୀ: ୩୪ ଗୋଟି ଗୋରୁ (ସୁରକ୍ଷିତ ଉଦ୍ଧାର)
​୧ ଟି ଆଇସର କଣ୍ଟେନର (RJ-29GB-2341)
​୧ ଟି ହିରୋ ପ୍ୟାସନ୍ ପ୍ରୋ ବାଇକ୍ (OD-19-Q-7184) ୮ ଟି ମୋବାଇଲ୍ ଫୋନ୍
ଘଟଣା ସମ୍ପର୍କରେ ହାଣ୍ଡପା ଥାନାରେ କେସ୍ ନଂ ୩୪୨/୨୦୨୬ ରୁଜୁ କରାଯାଇଛି । ଅଭିଯୁକ୍ତଙ୍କ ବିରୋଧରେ ଭାରତୀୟ ନ୍ୟାୟ ସଂହିତା (BNS) ୨୦୨୩, ପ୍ରାଣୀ ନିର୍ଯାତନା ନିବାରଣ ଆଇନ୍ ଏବଂ ଓଡ଼ିଶା ଗୋ-ବଧ ନିଷେଧ ଆଇନ୍-୧୯୬୦ ର ବିଭିନ୍ନ କଠୋର ଦଫାରେ ମାମଲା ରୁଜୁ ହୋଇଛି । ଇନ୍ସପେକ୍ଟର ରାଜେଶ କୁମାର ଶତପଥୀ, ଏଏସଆଇ ତପନ କୁମାର ରାୟ ଓ ଅନ୍ୟ ପୁଲିସ କର୍ମଚାରୀମାନେ ଏହି ଚଢ଼ାଉରେ ସାମିଲ ଥିଲେ । ବେଆଇନ ଗୋ-ଚାଲାଣ ବିରୋଧରେ ‘ଜିରୋ ଟୋଲରାନ୍ସ’ ଅନୁଗୋଳ ପୁଲିସ ପକ୍ଷରୁ ସ୍ପଷ୍ଟ କରାଯାଇଛି ଯେ ବେଆଇନ ଗୋ-ଚାଲାଣକାରୀଙ୍କ ପ୍ରତି କୌଣସି କୋହଳ ମନୋଭାବ ଦେଖାଯିବ ନାହିଁ । କେବଳ ଡ୍ରାଇଭର ନୁହଁନ୍ତି, ଏହି କାରବାର ପଛରେ ଥିବା ମାଲିକ, ଫାଇନାନ୍ସର ଓ ମାଫିଆଙ୍କୁ ଚିହ୍ନଟ କରି ସମ୍ପୂର୍ଣ୍ଣ ନେଟୱାର୍କକୁ ପର୍ଦ୍ଦାଫାଶ କରାଯିବ ।